اجي تعرف البنوك التشاركية اللي مفعلة فيها آلية 4 و 5 (برنامج امتلاك)

اجي تعرف البنوك التشاركية اللي مفعلة فيها آلية 4 و 5 (برنامج امتلاك) 📢 

بزاف منكم كيسولو على التمويل التشاركي باش ياخدو سكن رئيسي. اليوم غنوضحو بخلاصة الفرق بين الآلية 4 والآلية 5، ونعطيكم اللائحة ديال البنوك اللي خدامة بيهم حاليا! 👇 

💡 شنو هي الآلية 4؟

هاد الآلية كتعطيك تمويل تشاركي (مرابحة) بهامش ربح تفضيلي، ومدة السداد كتوصل حتى لـ 25 سنة. لكن أهم امتياز فيها هو: 

• مساعدة جزافية ديال 50.000 درهم (5 مليون سنتيم): هادي منحة من مؤسسة محمد السادس ما كترجعش! تقدر تزيدها فالتسبيق ولا تخلص بها مصاريف الموثق. 

• من الأحسن إنك كلما قللت مدة التسديد إلا كان هامش الربح قليلا

🔥 الجديد: شنو هي الآلية 5؟

هادي يلاه تفعلات ابتداء من 8 يونيو 2026، وفيها امتياز حصري: 

• تمويل تشاركي فحدود 200.000 درهم (20 مليون سنتيم). 

• مؤسسة محمد السادس كتكلف بهامش الربح كلياً (يعني زيرو أرباح عليك فهاد السقف).

• مدة السداد فهاد السقف كتوصل لـ 15 سنة.

🏦 شكون هي البنوك اللي مفعلة فيها الآلية 5 حالياً؟

إلى حدود الساعة، كاين 4 ديال البنوك/النوافذ التشاركية اللي واجدة تقاد ليكم الملفات بهاد الآلية الجديدة: 

• أمنية بنك جميع الفروع

• بنك اليسر البعض منها لم تفعلها

• دار الأمان الجديدة و الدارالبيضاء 

(بالنسبة للبنوك التشاركية الأخرى، راه غتبدا تخدم بيها غير يكملو الإجراءات التقنية). 

🎯 نصيحة خفيفة:

بالنسبة للزملاء اللي معولين يكملو إجراءات البيع والشراء فهاد الأشهر القليلة الجاية، سيرو ديرو دورة على هاد البنوك الأربعة وقارنو بيناتهم باش تشوفو شكون اللي غيعطيكم أحسن عرض وأسرع معالجة للملف على حساب الثمن الإجمالي ديال العقار ديالكم. 

بالإضافة لمقارنة التأمين التكافلي و تأمينات أخرى يضيفها البعض منهم

هادي تجربة أستاذ: 

مشيت زرت في كل من مدينة الجديدة و الدارالبيضاء، كل من بنك الأخضر بنك و اليسر و بنك الصفا و أمنية بنك و دار الامان وهادي هي الخلاصة.

الجديدة 

بنك الأخضر: آلية 4

بنك اليسر: الاليتين معا

امنية بنك: الاليتين معا

الدارالبيضاء البيضاء 

بنك الصفاء: الية4

بنك اليسر: الاليتين 

دار الامان: الاليتين معا (آلية 5 ممفعلاش عند دار الامان سيدي معروف)

امنية بنك: الاليتين معا

13:50:00